粵語文學 我哋一直以推動香港人學同用粵語、正體字以及傳承粵語所承載嘅香港文化為己任，所以我哋努力從唔同途徑鼓勵識廣東話嘅朋友講粵語，甚至用廣東話進行文字創作。港語文集同廣東話徵文比賽正係由此而生。 廣東話徵文比賽旨在鼓勵本港以至全球使用方塊字、愛護廣東話嘅朋友，於紙上（或鍵盤上）無拘無束，同時以中文同廣東話表達自己所思所想、所見所感。港語文集旨在鼓勵大家閱讀以廣東話入文嘅文章，藉此推廣一啲同粵語文學、粵語時事同粵語研究有關嘅資訊。廣東話圖書館旨在吸納唔同同廣東話有關嘅書，同時提供書單同資料庫，作為讀者嘅嚮導，俾大家更容易搵到廣東話好書，以推廣香港文學。
