林明禎自爆竟然冇人追 理想型係似某個男星:「可以教我廣東話又好有耐心!」

大馬女神林明禎為港產賀歲片《飯戲攻心》拍攝彩蛋。雖然喺片中佢有足足18位男友,但佢坦言現實中「冇人追」。被問到鍾意邊一種男士,佢形容係似黃子華嗰種:「當然係子華哥,教我廣東話又好有耐心,最重要係每次出場都有一陣風,好型!」

吳肇軒、ANSONBEAN、Locker(林家熙)三子在戲中同樣飾演明禎男友。明禎話片中足足有18位男友,自稱「好有艷福」;又大讚每一位都表現得好認真又好可愛,分別點評話:「軒仔(吳肇軒)係可愛型、ANSONBEAN係Sexy,而Locker則是男子漢。」

Locker投其所好,表示會帶明禎食佢最愛食嘅咖喱魚蛋,軒仔就話可以帶明禎去屯門睇樓方便置業。佢哋透露係拍呢場戲先首次同場認識,明禎好開心有呢個安排,最開心係可以加入劇組。記者問會唔會好似戲中角色咁有咁多男友?佢話:「唔想,會好麻煩」又坦言現實中也沒人追,笑話:「可能大家也覺得我好多人追啦!」

 

#飯戲攻心 #林明禎 #吳肇軒 #ANSONBEAN #林家熙 #黃子華 #廣東話 #男朋友

0 0 votes
Article Rating