教育局宣布2月24號起未打針教職員唔俾用Zoom教學 4月21日前所有學校人員須打足兩針

教育局今日(20號)公布,疫苗氣泡2月24號起涵蓋學校,所有幼稚園、中小學、補習學校嘅員工、提供服務人士和到訪者須出示至少接種第一劑2019冠狀病毒病疫苗嘅記錄先可以進入學校,而且唔打針嘅僱員網上教學(即俗稱Zoom教學)都唔俾做。有關安排唔適用於學生。

 

當局指,除獲豁免者外,下月24日起,所有未接種疫苗嘅學校僱員,將不獲准喺非暫停面授課堂期間進行任何線上、校外教學或其他工作。學校管理層有責任按《僱傭條例》和《資助則例》處理員工嘅紀律事宜。

 

此外,所有由學校直接僱用嘅教學和非教學人員須喺4月21日前完成接種兩劑新冠疫苗。學校須妥善登記同保存有關疫苗記錄名冊。

 

如果係有健康理由未接種疫苗但獲豁免嘅人士,仍然須每三日接受一次新冠病毒測試,而且樣本必須以鼻腔和咽喉合併拭子非自行採集,校方也須備存檢測記錄。

 

疫苗氣泡安排唔適用於學生,惟教育局呼籲適齡學生盡快接種。

 

教育局今日致函全港學校,包括特殊學校及其宿舍、提供非本地課程的學校,通知有關安排細節。

#香港教育 #教育局 #疫苗氣泡 #線上教學 #zoom教學 #中小學 #補習學校 #幼稚園 #打疫苗 #谷針 #港語學

0 0 votes
Article Rating