香港浸會大學排名暴跌 跌出全球百大年輕大學

《泰晤士高等教育》今日(16號)公布2022年全球年輕大學排名,科大、理大、城大排名變動不大,依然喺頭10位。不過,浸大排名就暴跌,由72跌到102位,跌出百大年輕大學。科大依然位列第3位,理大對比去年上升7位,位列第5位,城大則跌至第10位,而香港浸會大學則跌至102位。

全球年輕大學排名只會計創校50年以內嘅大學,計咗足足74個國家同地區嘅539所大學,以教學、研究、論文引用、知識轉移及國際視野五大指標評分,評估相關學校表現。

浸大校內組織「浸大山神」早於2016年預言,如果浸大漠視學生訴求,死攬浪費教學資源嘅普通話畢業門檻,將公帑用於高層嘅自肥,浸大排名暴跌指日可待。如今浸大嘅學生收分成績同國際排名年年衰退,可見有關預言已經應驗。

#香港浸會大學 #hkbu #浸大 #年輕大學 #香港大學 #大學生 #大學排名 #浸大山神 #港語學