衛生署昨放寬幼兒打疫苗 全普通話幼稚園旋即為98名童打科興

衛生署尋日一宣布三歲或以上兒童可以打疫苗,今日(25號)就有愛國幼稚園搵到醫療團隊近百名幼兒打科興。港九街坊婦女會孫方中幼稚園今日(25日)喺校內舉行團體疫苗接種,共98名幼童接種科興疫苗。

港九街坊婦女會孫方中幼稚園校監孔美琪解釋話:「喺社區冇安全保障前,幼童尤其脆弱,故全民接種疫苗係抗疫最關鍵嘅一道防線;所以我哋就聯絡私營醫療機構安排到校園進行外展注射。」

孫方中幼稚園位於筲箕灣,標榜全普通話教學,俾學童將來能「立足祖國」。辦學團體除咗喺旗下學校禁止及要求學生告發廣東話外,都俾網民質疑為創校人孫方中搞個人崇拜,惹人非議。

#孫方中 #廣東話 #粵語 #孫方中幼稚園 #普通話教學 #科興疫苗 #疫苗 #港語學

0 0 votes
Article Rating