港區人大代表建議俾香港學生接受軍訓 「希望發展到香港學生自願去內地當兵」

全國兩會正喺北京召開,多名港區全國人大代表同全國政協委員都就香港事務提出書面建議,其中港區全國人大代表王庭聰就建議,要喺香港加強愛國主義教育,措施包括教育中國共產黨歷史,舉辦軍訓活動等。

王庭聰認為,要進一步加強香港社會,特別係青年思想方面嘅愛國主義教育,如考慮喺中史科加入中國共產黨歷史部分;喺學校設置展示板等,展覽中國共產黨嘅歷史、國家發展情況等,讓學生從展板、珍貴藏品中,了解國家發展對學校帶來嘅影響;舉辦軍訓活動,教授國防知識,讓學生體驗中國人民解放軍的生活,相信可以喚醒他們保家衛國嘅決心。

呢個都唔係王庭聰第一次就香港學生嘅教育提出建議。據報道,2015年佢已經講要加強香港青年嘅國防教育工作,但至今先係北京兩會提出。佢提到鄰近嘅韓國及台灣,都要男性強制服兵役,國防教育既可以令學生學習軍事及紀律,亦可鍛煉身體,「希望日後發展至香港學生自願到內地當兵。」

#解放軍 #香港教育 #愛國教育 #國民教育 #全國兩會 #香港學生 #中史科 #黨史 #中國共產黨 #國防教育 #國安教育 #港語學

0 0 votes
Article Rating