雖然好多香港人對大陸學生印象都麻麻，但原來當中都有願意講廣東話嘅廣東學生，臨走講心聲，話為咗香港保存到粵語文化非常感動。佢喺連登討論區嘅貼文仲獲得近萬讚好。佢全文係咁講：

 

非移民。我係內地生，係黎讀master嘅。
一月份其實已經開始zoom 當時身邊好多內地同學就已經開始執行李走 我算係好遲好遲走嗰批
我知道我喺呢個敏感時勢開po 可能會俾好多人窒我
但係我都係好想喺最尾一晚正正式式同呢個地方道個別

無論hker覺得而家hk變成點樣都好 我真的很喜歡這個地方
我係廣東人 但係廣東那邊的粵語文化已經開始慢慢式微（後生仔其實都無乜人睇tvb了 viu又收唔到台）
我一唔睇抖音 二唔睇大陸劇 三唔睇大陸綜藝
所以香港俾到我很大的親切感和歸屬感 因為這裡的本土文化保存得相對好很多很多。
好多謝你地咁落力保護這些這麼珍貴的文化。當我去博物館 去睇展覽 甚至聽到香港人仍然在講廣東話舊有的terms的時候 我都會覺得很感動
從我黎到呢個地方嘅第一日 我遇到嘅每一個hker都好好（得罪自己人都想講句，雖然我班內地同學仔都好nice，但其實小組作業我更加鍾意group hk local而不是內地同學。第一 我唔睇內娛 唔啱嘴型 第二 思維方式唔一樣 有啲idea好柒但係唔知點解佢地會覺得好型我駁唔到）
黎讀書呢段時間時不時會俾人問啲奇奇怪怪嘅問題。比如話「點解你無鄉音」「你係咪專登黎香港學廣東話」「點解仲要黎香港讀書」
第一，其實唔係個個廣東人都有鄉音

起碼我從細到大生活的圈子裡面大家講嘢都正正常常，有口音都會俾人笑。第二，我從細到大就係講廣東話，退一萬步講就算我唔識講廣東話，黎到香港就應該要入鄉隨俗點都要學到識為止。第三，因為離屋企近，加上同聲同氣，所以無去英國。
and其實我想講 我其實很羨慕香港人還有那團火在 無論邊個方面都係 真係屌得好
給你們集氣 繼續keep住道火 該屌就繼續大膽屌 不要失去希望 不要輕易倒下

#走先啦係咁先啦下次再玩啦

 

呢位巴打冇因為內地生嘅身份備受歧視，仲有香港人感歎：「睇得出樓主比好多人更愛香港」又有絲打話：「香港其實好歡迎你呢種擁抱本地文化嘅内地人。保重，有時間再嚟啦~」不過，可能因為返咗大陸，樓主就未有再留言，令人遺憾。