「為什麼不講廣東話呢?」林鄭月娥遷就鳳凰衛視記者講普通話 卻被對方喝令下轉返台

昨日(4號)林鄭月娥舉行記者會,主要講香港應用中醫治療肺炎嘅事宜。答問環節期間,大陸傳媒鳳凰衛視記者用普通話發問,問及點解香港公立醫院冇中醫,林鄭月娥本來遷就對方用普通話回應,但就俾對方記者大喝打斷:「為什麼不講廣東話呢?」林鄭唯有尷尬笑住反問:「為什麼不講普通話呢?」然後用廣東話回答大陸記者問題。

林鄭月娥之前因為控制疫情不力,已經受好多大陸網民批評,認為佢影響國家防疫安全。佢當仲要針對大陸少評講話,對網上評論、揣測、謠言「唔好睇、唔好聽、唔好信,所以我唔打算評論」。

睇返林鄭過往一個月嘅表現,香港出世嘅佢都對自己嘅普通話水平甚為自信,經常喺記者答問環節,以及多謝大陸醫護來港嘅時候使用普通話發言。不過,似乎用普通話嘅人就唔多領情,都係貶多於褒。

#廣東話 #林鄭月娥 #普通話 #鳳凰衛視 #香港普通話 #特首記者會

0 0 votes
Article Rating