港語學辦廣東話徵文比賽竟被民建聯投訴勾結「激進反中」 廉署:完成調查 欠缺實據

港語學前年起喺區議會申請推廣廣東話及防疫活動,一心服務居民,但就慘遭民建聯中傷,指控港語學勾結區議員,企圖以廣東話徵文比賽等活動「激進反中」,立法會議員葛珮帆更喺前年8月到廉政公署立案投訴,指沙田區議員與港語學互有勾結「激進反中」,透過區議會撥款輸送利益。近日前沙田區議會主席李志宏喺社交平台公布,收到廉政公署通知,已經撤銷有關起訴,還大家清白。

李志宏回應相當大方:「多謝禮義廉投訴本人於在任沙田區議員的時候,曾濫用職權及胡亂批出撥款予團體。直到今日,就連不可信的ICAC也還志宏一個清白。」

葛珮帆當時點名批評港語學一直「鼓吹激進反中、反政府嘅言語」,但仍獲批近2萬2千元撥款舉辦廣東話徵文比賽等活動,係涉嫌以公帑資助激進政治組織。港語學主席陳樂行回應指,所有帳目公開透明,合符程序,「工作人員都係收超級友情價」,指港語學申請36萬撥款,都只獲批二萬二千蚊去搞兩個活動;沙田區議會籌辦團體眾多,競爭激烈,有個別建制派團體活動質素參差或受疫情影響不獲批,實屬正常,唔需要借題發揮。

港語學主席陳樂行表示,現時仍因為民建聯多宗無理投訴及中傷,被區議會拖欠數十萬計嘅活動開支,嚴重影響原定計劃嘅抗疫工作。佢呼籲民建聯唔好用政治凌駕抗疫工作同社區活動,亦都對不實指控保留追究權利。

港語學搞社區活動都唔係第一次被針對。喺灣仔區議會,不中標嘅建制派團體梁錦棠詠春同學會質,由港語學採購嘅搓手液含中毒物質,「並非正品」,令到抗疫撥款遭到否決;及後港語學提出科學證據去信質疑,就銷聲匿跡。中西區區議會亦曾通過撥款港語學合辦徵文比賽,但後來就以文集作品「提及移民」影響社區和諧為由,禁止出版或公開作品。

#葛珮帆 #陳樂行 #李志宏 #港語學 #沙田區議會 #廣東話徵文比賽 #民建聯 #禮義廉 #廣東話 #廉政公署