近半大學冇提名李家超參選特首 其中城大校長郭位曾提倡「政治與教育分離」

前政務司司長李家超尋日(13日)遞交咗786張提名表格,成為目前正式報名嘅參選人,提名票數超越當選門檻。有傳媒翻查提名票檔案,發現近半大學冇提名到李家超,包括城市大學、理工大學、浸會大學、都會大學及樹仁大學;而本港五大辦學機構,只有聖公會交出提名票。

傳媒發現,喺16個教育界當然選委中,李家超只係爭取到7人支持,同其他界別平均超過六成提名嘅現象大異其趣。大學方面,提名人包括香港大學嘅校委會主席王沛詩、中文大學校長段崇智、科技大學校董會主席廖長城、教育大學校長張仁良、嶺南大學校長鄭國漢、恒生大學校長何順文、以及代表聖公會嘅鄭慕智。

未提名嘅,就有城市大學校董會主席黃嘉純、理工大學校長滕錦光、浸會大學校長衛炳江、都會大學校長林群聲、以及樹仁大學校監胡鴻烈。天主教香港教區、中華基督教會香港區會、東華三院及保良局都冇沒提名到李家超。

其中城市大學校長、原籍台灣嘅郭位,曾經都揚言要「秉持政教分離」,即係避免將政治帶入大學立場,之前《港區國安法》表態聯署、不加入「香港再出發大聯盟」等都冇參與。不過,2019年郭位拒絕同師生公開對話,城大學生會亦係今年被無理解散,亦都引起爭議。
但係,有關提名似乎就同該校是否熱衷於推行國民教育冇關係。例如以國家安全教育同普通話畢業門檻聞名嘅浸大,喺今次就冇參與到提名。
#政教分離 #提名票 #李家超 #城市大學 #理工大學 #浸會大學 #都會大學 #樹仁大學 #香港大學 #段崇智 #科技大學 #教育大學 #嶺南大學 #恒生大學 #城大 #理大 #浸大 #都大 #樹大 #港大  #科大 #教大 #嶺大 #恒大 #聖公會 #港語學
0 0 votes
Article Rating