「試當真賣飛」驚現DSE 經濟卷:「說明了價格的_________功能?」

《試當真Trial & Error》YouTube頻道上年8月宣布為咗「杜絕黃牛」,將現場版門票用減價拍賣方式(或稱荷蘭式拍賣)出售,由開售當天每張一萬元逐日減價至十蚊出售!當時破格賣飛形式成功引起話題,門票亦都好快高價沽清。好多網民當時笑言呢個係經濟學嘅成功例子,估唔到真係喺今年經濟科考到!

根據網友Frankie Lam貼出嘅試卷相片顯示,喺今日(3號)經濟科選擇題嘅第10題,就提到「試當真賣飛」一事,「在2021年,一個香港的Youtube頻道「試當真Trial & Error」舉行首個現場表演。以下是門票價格的安排。上述個案說明了價格的_________作用,因為_________。」

試卷提供四個選擇,分別為:
A.「分配……更多資源可以分配到該表演的製作」;

B.「分配……這安排可以確保門票沽清」;

C.「配給……這些門票售予最高價值的買家」;

D.「配給……這些門票是以先到先得準則分成」。

根據經濟科課本,價格係有「分配」同「配給」兩種功能。「配給功能」係指將現存供應分配予願意付最高價值嘅用家;「分配功能」就係指「從邊際利益得出需求,從邊際成本得出供應,兩者的相互作用決定價格及資源配置」,「相對價格的轉變與資源調配」。多數留言網民都認為,答案就係C!你又點睇呢?

#DSEECON #經濟學 #經濟科 #試當真 #文憑試 #公開考試 #廣東話 #港語學

0 0 votes
Article Rating