浸大近日高調宣傳全新「神科」課程「文理及科技學士（榮譽）跨學科學士學位」，名額只限10位，但係可以自選感興趣、影響社會未來嘅研究議題。為咗吸引優秀學生報讀，學生「面試表現優異」，更可以獲得港幣三萬蚊獎學金鼓勵。

同一般學位以成績取士唔同，呢個咁特別嘅學位都好著重面試表現。據浸大透過，目前已面試過都會高談佢哋對城市綠化、多元設計嘅願景。課程主任張寄冀就提到面試學生提供嘅個人作品集，例如原創小說節選、藝術品、機械發明等。「呢門課程適合主動性強、對研究有熱情嘅學生，我們會由學生對世界嘅看法、未來願景、創作原因等因素中，觀察他們係咪適合入讀。」

每位學生入校後，會俾浸大根據研究方向配對學院導師及社區導師各一位，當中社區老師來自非牟利機構同創科企業嘅專業人士，並透過跨學科學習，以藝術設計、科技發明、科學研究等創新方式來探討解決難題，取得喺社會中實踐解難嘅經驗。

每位新生均會按其有興趣研究的議題，獲配對兩名個人導師，一名為大學教師、一名為業界人士。學生可因應研究議題，任選校內的科目來修讀，由大學3年級開始更可參與研究小組及由合作夥伴機構提供的實習，了解社會上實際面對的困難，再想出創新的解決方案；最後一年的跨學科畢業項目，會透過在社區或公司實踐學生想出的方案，從設計至落實的過程中蒐集數據，並評估方案的影響力、成效及可持續性。

1年級學生須修讀佔9學分嘅「全球挑戰」課程，涉及聯合國17個可持續發展目標，下學年課程嘅3個課題，包括「和平與公義」、「全球流行病」及「氣候變化」。另外，1年級會進行佔6個學分嘅方法學習課程，學習思考的方法，如決策論；及進行研究需掌握嘅基本知識，包括收集及分析數據等。

另外，十位精英同學每星期都會做一次集體工作坊，由導師跟進學生學習進度和需求。二年級起，學生就會讀返同佢自己研究課題相關嘅學系課程。

咁如果讀讀下發覺自己唔適合讀咁跨學科嘅課程又點算呢？張寄冀話，每個學生喺一年級學期尾會有一次轉課題嘅機會。此外，若學生發現自己不適合跨學科課程，想轉為傳統學士課程，學校亦有機會安排。

雖然課程看似極之自由，但熟知浸大教育政策嘅畢業生「浸大山神」陳樂行就話，其實浸大至今都未取消普通話畢業要求，而且近年仲加入國安教育課程，呢啲都係所有學生必須修讀，無一倖免嘅。而且，浸大現時其實都好標榜「全人教育」，以修讀另一「浸大神科」中醫學及生物醫學課程嘅佢自己為例，佢都喺浸大被逼選讀繪畫、電腦、商務、宗教哲學、體育、公開演講咁，佢勸諭修讀呢個「神科」嘅同學仔做好期望管理。「神科還神科，浸大始終都係浸大。」

#浸大 #神科 #浸大神科 #跨學科 #普通話 #hkbu #hongkongbaptistuniversity #香港浸會大學 #jupas選科 #浸大山神 #陳樂行