港大、中大畢業生福音!英國政府新簽證計劃開放年輕人才帶埋屋企人移居 唔使搵定工 唔使BNO

英國內政部尋日宣布,即日(30號)起開放「高潛力個人」(high potential individual)簽證途徑,將吸引事業啱啱起步、「最醒目同最優秀」嘅人才。計劃囊括50間「世界頂尖大學」過往五年內嘅畢業生,既唔使搵出生地的限制,又唔使喺英國搵定工先移到居。

申請成功嘅朋友,如果有學士或碩士學位就可以攞到兩年嘅工作簽證;有博士學位,就會攞到三年嘅工作簽證。英國政府參考嘅排名榜分別係《泰晤士報》高等教育世界大學排名( Times Higher Education World University Rankings)、QS世界大學排名榜(Quacquarelli Symonds World University Rankings)同世界大學學術排名(The Academic Ranking of World Universities),列出咗「2021年合格大學名單」,當中包括哈佛、耶魯、麻省理工等廿間美國大學;喺亞洲嘅大學就包括清華大學、北京大學、香港大學、香港中文大學、新加坡國立大學、新加坡南洋理工大學、日本東京大學、京都大學。

簽證費用係715英鎊,外加移民健康附加費,等移民到英國後可以用到英國嘅國民保健服務(NHS)。成功獲得簽證嘅畢業生可以攜帶家屬,但必須有至少1270英鎊嘅生活費,通過安全同犯罪紀錄檢查,英文都要至少達到B1中級水平,即「與英語母語使用者流暢交流」。

英國財政大臣蘇納克話:「呢條簽證途徑意味住,英國將發展成為一個世界領先的創新、創意同創業嘅中心!我哋希望今日就喺呢到開始起綢繆聽日嘅事業,呢個就係點解我哋呼籲學生利用呢個難得嘅好機會在英國開拓佢哋嘅職業生涯。」

英國內政大臣帕特爾補充說:「呢個新嘅簽證途徑令人振奮,我為能政策出台感到自豪。呢個移民系統最睇重係人嘅能力,而唔係嚟自邊到。」

不過,呢隻簽證持有人唔可以直接申請做英國公民。熟悉移民英國嘅網友估計,想移民嘅朋友要喺兩年內搵到公司擔保做簽證,先可以開展移民到英國。不過,對香港後生一代嚟講,呢個都起碼解決咗冇BNO喺手嘅00後無法移民嘅問題。

#移民英國 #BNO #香港人 #香港大學 #中文大學 #CUHK #HKU #地球是HKU領先 #廣東話 #港語學

3 1 vote
Article Rating