教育局要求官校外籍老師 宣誓效忠特區及基本法 否則終止聘用

之前官校老師要書面宣誓計忠特區政府同基本法,而家外籍英語教師(NET)都不能倖免。教育局證實,已向官校嘅外籍老師發出書面宣誓聲明,如果喺新學年教書,倘無正當理由疏忽、拒絕或未於限期內簽署,將被終止聘用。

教育局話,當局已經喺五月底通知所有合約跨越至下學年,以及在下學年起任教嘅NET有關要求,並要求佢哋喺六月廿一日或之前,交回已簽署嘅聲明。拒簽將被終止聘用。疏忽、拒絕,或未能喺限期內簽署和交回聲明,將視為拒絕承認、接受和履行《香港國安法》規定嘅公職人員職責。教育局話,將根據個案情況,按合約的有關條款採取行動,終止聘用為非公務員合約僱員。

教育局發言人話,要求非公務員合約僱員簽署聲明,係對他們責任和期望的真實體現,「以維護同弘揚全體政府僱員應秉持的核心價值觀,確保特區政府有效管治。」至於津貼及直資等公營中小學嘅NET,新安排暫時未適用。

自從1998年起,香港就推行「以英語為母語的英語教師計劃」,至今每間中小學常設「鬼佬老師」,俾香港小朋友接觸下啲「純正英文」。但係近年呢批老師流失率都好高,2020年至2021學年間,離職嘅母語英語教師佔成13%,不過政府就話母語英語教師嘅變動率「大致穩定」。

#外籍老師 #鬼佬老師 #鬼佬 #香港鬼佬 #效忠特區 #擁護基本法 #宣誓 #英文 #香港英文 #港語學