浸大承認正面對教員流失 校長衛炳江: 「未到要擔心嘅地步嘅」

浸會大學校長衞炳江尋日會見傳媒時承認,今個學年校內正喺到面對教員流失。衛校長話,雖未掌握準確數字,但認為外籍教授離職者佔多主要因疫情關係,香港有嚴謹防疫措施,(外籍教授)兩年未能見家人」;外間質疑,會唔會係因為國安法下,本港學術自由收窄,令到員工有所擔憂,衛炳江就話「聽唔到有呢個問題」,強調教員流失情况未需擔心,「整體(員工數字)有出入,我們不覺很大問題」。

另外,浸大原本有隸屬傳理學院嘅「電影學院」、隸屬文學院嘅「音樂學院」,同埋獨立嘅「視覺藝術院」,下個月1號將會合併為創意藝術學院。除咗現有課程之外,新學院都會有8新本科課程,包括下學年開辦嘅「工商管理文學士(榮譽)(全球娛樂)」和「藝術及科技文理學士(榮譽)」。被問到國安法會否影響新學院嘅學術討論空間,衞炳江話,睇唔到國安法帶來相關影響,「喺創意學科,我們冇設任何限制,但當然要守法」。

浸大至今都未取消惡名遠播嘅「普通話畢業門檻」,近年仲加入「國安教育」課程,本身都被質疑重心仲喺咪教育。之前炒教職員工會主席黃偉國、前立法會議員邵家臻等,同時喺疫情期間率先宣布將教職員凍薪。浸大管理層近年嚟同師生嘅關係,都可以話跌至新低。

#浸大 #浸會大學 #老師走佬 #教職員流失 #疫情 #又係疫情 #外籍老師 #鬼佬老師 #廣東話 #港語學

0 0 votes
Article Rating