DSE中文科減卷但加價 考評局:防疫需資源 政府會承擔

考評局今日(17日)公布,2023年香港中學文憑考試(DSE)考試費將加價百分2%,同2022年文憑試嘅考試費加幅相同。喺成本最貴嘅中文口試一早取消,本港今年經濟轉差嘅情況下,加價都係外間意料之外。

以前因為有口試,中英文費就會收貴啲,今年兩科考試費都照收697文,其他科目平少少,都係466文,分別加咗14文9元,按年升幅約2%;而自修生報名費就由524元升至534元。以一般考生嘅六科咁計,考試費就要為3,258元。

但係其實考評局喺撤銷中文口試嘅時候,都慳咗唔少。事關中文說話卷分小組進行,往往都要考足9日,又涉及錄音、錄影等大量器材,成本唔少。而且今年一早已經宣布撤銷,唔係呢三年咁因為疫情所以先臨時取消,既然預料考卷減少,好應該減價。

考評局表示,委員會喺決定考試費時,已仔細審視考評局嘅財政狀況、公開試嘅營運成本、本地經濟狀況、考生同家長嘅負擔能力等不同因素。考評局話,近年須增撥資源喺試場推行多項防疫措施,又持續為有特殊教育需要考生提供特別考試安排,同更新支援公開考試運作嘅資訊科技系統,指當局係財政獨立嘅法定機構,冇政府嘅經常性資助,主要收入來自考試費。不過,政府早喺今年2月底公布,將為參加2023年DSE嘅學校考生代繳考試費。

熟悉中文考試、八本文化教育嘅導師Ken Sir就話,對於中文科今年減卷唔減價感到遺憾。佢認為就算23年姑且話疫情唔減價,去到2024年,「連聆聽卷都取消嘅時候,無理唔減啦!」佢指出,聆聽卷牽涉聘請配音員錄對白、借用電台廣播等費用,考評局既然執意要撤銷兩卷,亦應該將有關省略嘅費用減返畀考生,建議之後中文科試卷嘅收費,應該要同其他科目睇齊。

八本文化教育嘅Ken Sir認為,DSE唔考口試,亦不利於培育年輕嘅廣東話表達能力。

#DSE #中學文憑試 #DSE中文科 #中文科 #中文口試 #說話能力 #聆聽能力 #考評局 #教育局 #廣東話 #港語學

0 0 votes
Article Rating