科大今推彈性收生 主科炒一科都有得讀

繼港大早前宣布彈性收生,唔跟大隊要求學生考到3322,即係中、英、數、通識都要有3等或2等合格後,香港科技大學今日宣布都有彈性安排,容許考生炒一科都照可以入讀。

今年科大彈性安排下,如果考生其中一科成績低一級,但文憑試分數高於心儀課程去年收生嘅中位數,並喺選科時將課程放於甲組,校方都會考慮取錄。

科大又推出新收生計分方法 ,考生若在文憑試取得5、5*或5**,將獲得加分,舉例過往5**會轉換成7分,新計分方法下,5**將換算成8.5分,以吸引表現出色學生。

#hkust #香港教育 #大學生 #jupas #香港科技大學 #科技大學 #科大 #港語學