特首換屆，新官上任，外界關注香港教育政策或會最受影響。教育局局長蔡若蓮接受多間傳媒訪問時，得意洋洋咁展露多幅自己嘅書法作品，其中就藉與自己姓名有關嘅「愛蓮說」，寄語學生擺脫錯誤價值觀，「出淤泥而不染」。

綜合傳媒訪問，出身浸會書院中文系嘅蔡若蓮話，佢特別鍾愛北宋文人周敦頤嘅一篇《愛蓮說》，認為當中蘊含價值、品格教育，希望年輕人都可以「能夠喺一個價值觀紛亂嘅世代，『出淤泥而不染，濯清漣而不妖』」。佢希望年輕人「可能過往對中國歷史認識唔足夠，唔係好分享到過往共同文化價值」，局方未來希望喺呢方面加強。

面對移民潮、退學潮，蔡若蓮就否認本港教育制度出現問題。蔡若蓮認為，家長未必了解外地教育制度，只係移民門檻下降，家長先抱一試心態。臨近放榜，佢親手用毛筆寫下一個「定」字，佢呼籲市民都可以參與「#一人一字勉考生」。

#蔡若蓮 #愛蓮說 #一人一字勉考生 #出淤泥而不 #價值觀教育 #價值教育 #教育局 #教育局局長 #dse放榜 #dse #廣東話 #港語學 #香港教育 #定 #走