八大今年起確認全部必修國安課程 浸大有人國安測驗唔合格

JUPAS啱啱改選完大學,好多考生都會將有否國安教育視為選校因素。但原來唔使揀,因為全部都有!八間資助大學回覆傳媒查詢,確認出年起皆會設有國安教育。

連同今日港大通告,佢同中大、科大下學年起都會增設全新國安課程,即係八校都已經將國安教育納入大專教育嘅基本課程。不過,各校定制嘅課程都有少少唔同。例如中大設有「國家憲制秩序與香港」及「認識中國」,要求所有本科生必修。科大亦將首設「法律教育」課程,下學年起入讀嘅新生必修。港大話會喺九月先公布課程詳情。

咁國安課程係咪好易讀,人人都過關呢?浸大就話,大部分學生都及格,即係少部分同學都唔合格。校方亦為尚未及格的同學提供「學習支援」。今學年起入讀浸大嘅本科生,必須修讀一個不計學分嘅國安教育聯通課程,包括兩小時嘅面授課堂。學生要完成兩小時閱讀材料,並喺測驗獲及格成績,先至有得畢業。

#港大 #中大 #城大 #科大 #理大 #浸大 #嶺大 #教大 #jupas #hkdse #國安教育 #国安教育

0 0 votes
Article Rating