今日（28號）教育局局長蔡若蓮透露，預計今年年底將會推出新嘅教師專業操守守則，將會涵蓋教師喺「課堂內」及「課堂外」嘅表現。

蔡若蓮喺電視專訪到話，老師嘅言傳身教對學生影響很大，社會對老師亦有很高期望，「老師嘅表現不僅限於課堂內，課堂以外、甚至是在社交媒體，都不可以散播仇恨、欺凌嘅言論。 」但佢未有透露守則嘅具體內容。

學生方面，蔡若蓮話國民教育嘅目標有三，分別係「認知」，俾學生對最新國情有基本認識；繼而有「強國之志」，即係有希望國家越來越強大；以及有「報國之行」，當國家有需要時，貢獻自己嘅力量推動國家發展。

佢又引述習近平七一講話指，社會主義制度係國家嘅基本制度，中國共產黨嘅領導是制度嘅基本特色，學生需要對共產黨嘅領導「有最基本尊重。」

至於被問到近年社會出現大動亂同學校教育有冇關係，佢就話家庭同資訊爆炸，令到一啲歪理對學生產生影響，但唔係突然喺某一個時刻教育出現了大問題，呢種講法對老師同學校都唔公平。

#蔡若蓮 #教育局 #教師操守 #檢舉老師 #國民教育 #強國之志 #報國之行 #廣東話 #港語學