教育局國慶MV賀驚現「戴罩吹笛」奇景 原來係日本特製口罩

為慶祝今年國慶,又適逢香港特別行政區成立二十五周年,教育局課程發展處邀請41間中、小學,超過400位同學參與拍攝普通話歌曲《少年中國說》MV,以多元才藝體現「少年強則國強」嘅精神賀國慶。但係網民發現,所有同學甚至吹笛嘅學生都戴上口罩,蔚為奇觀。

翻查資料,此前6月份教育局邀11間名校普通話合唱《我和我的祖國》,嗰啲名校學生無論吹樂器同唱歌就唔使戴口罩喇。

睇返吹笛嘅學生,佢哋應該係戴緊疑似日本特製嘅口罩,呢種口罩有個開口放喺前面,令到吹奏者既可以將條笛放喺擋布入邊,吹嘅時候呼吸都會更暢順。

#教育局 #國慶 #十一國慶 #中學生 #香港中學 #橫笛直簫 #口罩 #戴口罩 #日本口罩 #廣東話 #港語學