教育局強烈譴責網民嘲笑戴罩吹笛 「超越道德底線 保留追究權利」

教育局今日(23號)喺網上發文,「強烈譴責」嘲笑「戴罩吹笛」嘅網民,話佢哋超越道德底線,「會保留追究權利」。

文章話,音樂錄像推出以來,「社會各界反應正面,普遍讚揚同學展現多元才華」,認為市民應該「支持青少年向善發展」。文章譴責網民無視同學疫情下保障健康戴口罩咁負責任,反而肆意嘲笑及醜化,甚至以極度滋擾和冒犯嘅言辭欺凌熱心的同學,「此舉實已超越社會的道德底線」。教育局話希望網絡欺凌立即停止相關行為,亦會保留追究權利。

但係,教育局並無回應點解上次慶回歸嘅影片入邊,11間名校嘅學生無戴口罩。相關報道被廣傳嘅團體港語學回應話,其實多數市民所質疑嘅只係戴罩吹笛嘅問題,並唔係針對同學。

#教育局 #強烈譴責 #網絡欺凌 #戴罩吹笛 #廣東話 #蔡若蓮 #港語學

source: [url]https://gongjyuhok.hk/articles/12009[/url]