新西蘭議員用粵語領國會禱文 「能將廣東話帶進國會係我嘅榮幸」

今日(29號)朝頭早,喺紐西蘭國會上,James McDowall MP用廣東話帶領全體議員祈禱。佢話,今日能喺新西蘭中文週用廣東話讀出國會禱文,係佢嘅榮幸。「雖然發音有待改進,但能將廣東話帶進國會,係個獨特嘅時刻。」

佢讀嘅禱文話:「全能嘅上帝,為你賜給我哋嘅恩惠,獻上我哋嘅感恩。拋開所有個人利益,我哋承認國王,並祈禱喺我哋議案嘅討論,同決策中得到主嘅指導。使我們能夠為了新西蘭嘅福祉與和平,以智慧、正義、仁慈和謙遜的態度處理國會事務,阿門。」

喺前年紐西蘭皇國國會議員就職宣誓時,而紐西蘭皇國國會議員MP James都揀咗用廣東話宣誓。佢用流利嘅廣東話朗讀誓詞話:「本人占士麥當禾,真誠發誓,定當依據法律,對女皇陛下伊利沙伯二世,及其繼承人及繼位人效忠,並會盡忠職守。願上帝助我。」

 

 

原來MP James擁有部份嘅香港血統,因此對香港有特殊嘅感情。例如喺今年七月就多次發表支持香港嘅言論。MP James亦曾經以紐西蘭行動黨外交事務(ACT’s Foreign Affairs)發言人嘅身份表示「香港嘅司法獨立已經被完全破壞。」

MP James私底下亦同紐西蘭嘅華人社群十分熟絡,怪唔知得佢嘅廣東話咁流利!(圖片來源:Badges StoryFacebook)