香港作家李怡台北病逝 終年87歲

本港知名作家李怡今日(5號)朝早喺台北病逝,終年87歲。李先生原名李秉堯,1937年出生於廣州,筆下記錄六七暴動、八九民運、雨傘運動以至反送中運動多個本港歷史時刻。

佢憶述,其父親李化曾號召發起「粵語片救亡運動」,任秘書長嘅華南電影協會派代表到南京請願緩禁粵語片。佢自己一直都表態支持香港本土語言文化運動,喺文章引用過廣州人嘅打油詩「生係廣州人,死係廣州鬼,要講煲冬瓜,做鬼都唔制。」

佢自言寫作並不排斥方言,六七十年嘅居港寫作,粵語逐漸佔據思考中嘅主導地位。「文章中沾一點方言,就像畫圖中多着一點顏色,會使文章更生動。」晚年化用白話文運動嘅名句自喻:「手寫我心,實現自我」。

#李怡 #廣東話 #粵語 #普通話 #港語學

0 0 votes
Article Rating