尋日管浩鳴喺立法會書面問蔡若蓮全面推行普教中（用普通話教中文）嘅學校數量有幾多，蔡若蓮以「沒有統計」為理由不作回答。港語學調查就發現，全港只有9.6%學校會全面推行普教中，而且整體數字都逐漸減少。

港語學自2014年起，每年都對普教中學校數量做調查，公布嘅「中文教學語言資料庫」廣為傳媒引用。結果發現有參與「普教中試驗」嘅學校由2014年嘅53.7%跌到近年嘅48.7%。管浩鳴提到嘅「全面普教中」（全校每班都用普通話教）嘅學校，更加只得9.6%。因此估計局方都為咗避免尷尬，不作公布。

有參與調查、八本文化教育嘅Ken Sir就引述學校回覆話，近年因為普通話教中文對小朋友有負面影響嘅研究結果被廣泛報道，對於家長選校都有影響，因此好多學校都轉返用廣東話教學。「而家全港學校都有專修普通話嘅課堂，無謂夾硬逼同學唔用廣東話讀文言文，影響公開試成績啦。」

#港語學 #廣東話 #中文科 #香港中文 #香港教育 #蔡若蓮 #管浩鳴 #普教中 #普通話 #中文教育