世衛將猴痘改稱「mpox」以避免污名化有色人種

世界衛生組織尋日(28號)正式宣布猴痘(Monkeypox)要改稱為mpox。

聲明提到,喺猴痘近年傳播同時,世衛都收到一啲網上種族主義同污名化語言嘅報告,喺唔同會議上都有國家同個人提出關注,世衛就應要求改名。

據報道,美國拜登(Joe Biden)政府都叫咗世衛將猴痘改名好耐,尤其近月憂慮猴痘一詞會加深針對有色人種嘅污名化,拖累當地嘅疫苗接種工作。

猴痘以前通常喺非洲出現,但今年春季起擴散至全球,其中在美國錄得近3萬宗個案,香港都喺9月起有輸入個案。香港政府一直都用「猴痘」稱呼,未知會否改稱為「M痘」或「痘M」。

#猴痘 #污名化 #有色人種 #monkeypox #痘m #m痘 #香港疫苗 #世衛 #世界衛生組織 #廣東話 #港語學

0 0 votes
Article Rating