「點解一首國語歌都冇?」大陸歌迷於陳奕迅演唱會後企停車場苦苦拍片追問

陳奕迅演唱會喺上星期五開騷,有人揚言杯葛,但都受唔少人捧場,甚至有大陸歌迷無懼通關嘅阻滯落嚟專程睇演唱會。不過,有大陸歌迷似乎大失所望,喺完騷喺紅館停車場久候多時,仲質問陳奕迅:「點解一首國語歌都冇?」

有關片段喺網上流傳,相信係由一個大陸歌迷拍攝。佢一路拍片一路追問:「其實我想聽你唱國語,一首咋,點解唔唱一首啫?(普通話)我是內地來的歌迷,(轉返廣東話)只是想聽你唱一首國語……」陳奕迅就全程笑而不語,只有合十同點頭打招呼回應。

0 0 votes
Article Rating