收生不足只因改壞名?珠海學院圖刪「珠海」失敗 今改為「香港珠海學院」

「珠海學院」喺呈交畀立法會校董會通過為學校改名,新名係「香港珠海學院」,而原名係無「香港」兩字。珠海學院本身個名就無「香港」兩字嘅。喺8月嘅時候,珠海學院更加揚言刪去「珠海」兩字,改名做「經濟管理學院」,不過都冇實行到。

珠海學院喺文件話,自1947年成立以嚟,佢哋一直用「珠海」做中文名。但後來,隨住珠海市迅速發展,呢個名令學生、家長、教師和誤會珠海學院所處嘅位置同定位,但係珠海學院同珠海市並無聯繫。因此,珠海學院認為有需要改名,校董會喺今年11月通過將中英文名分別改為「香港珠海學院」和「Hong Kong Chu Hai College」,凸顯返係「香港」嘅認可專上學院。

珠海書院之前曾經提出將校名改為「經濟管理學院」。校董陳萬雄向傳媒形容,「經管」範疇對香港重要,刪走「珠海」兩字係校董期望新名能夠反映學院嘅發展重心同地位。近年珠海書院嘅收生率每況愈下,2020至2021學年,珠海書院收生人數只有82人,其中新聞及傳播學系更係零收生。2021至2022學年,珠海書院收生人數只有66人,平均每個課程收生唔夠5人。

隨住外國升學變成潮流,比較下游嘅專上學校都面臨收生壓力,力求改名圖變。香港2022年合資格升讀大學嘅學生17,269名,而資助學士課程同1.5萬個,好多考生一係得償所願入讀本地心儀大學,唔係都會考慮讀外地學校。除咗珠海,香港公開大學去年9月1日改名為「香港都會大學」,都係謀求重新定位。
#珠海學院 #經濟管理學院 #香港珠海學院 #hkchc #jupas #hkdse #dse
0 0 votes
Article Rating