街頭詩人松島安情人節搞畫展「感謝砌」 到底有咩咁巴閉?

香港街頭藝術家「松島安」宣布會喺今年情人節舉行個人藝術展「感謝砌」,有別平日街頭見到佢喺街頭詩句作品,今次仲有佢嘅油畫丶卷軸及雕塑等全新作品,令人期待!

每次展覽門票開售,旋即一掃而空。

松島安係香港著名嘅街頭塗鴉詩人,佢同外國塗鴉唔同嘅係,反而好似古代人喺牆上題字「淫詩作對」,有時詩中不用半隻色情字眼,例如「識奶奶條界,唔識奶成塊」一句,已令人想入非非,深得廣東話啜核之處。佢今次展覽一反常態,殺入典雅中環畫廊,到底係咩景象?

佢嘅藝術組織 Wonderwall就透露,展覽會有三層空間,分別係「性殿」丶「浴場」、「鳩門」;其中「性殿」係援用日本祭典形式,設有「性之祇福」及「鳩神參拜」項目,似乎要俾參加者預備身心享受作品;而「浴場」就罕有咁展示「松島安」嘅影片及相片紀錄,俾好奇者可以一窺究竟。有興趣觀展嘅朋友,就要預早買飛入場喇!

「浴場」展示「松島安」嘅影片及相片紀錄,俾好奇者可以一窺究竟。

Raw Emotions都同松島安合作推出「白虎」地毯,流出嘅圖片展現展覽古色古香中帶嘅不羈。(Raw Emotions社交平台)

 

松島安嘅創作多端,不限於街頭詩句一途。圖為與港語學合作嘅間尺作品。

《松島安の感謝砌》展覧2023

展期:2月14-28日
時間:11am – 8pm
場地:Haus Of Contemporary G/F, 1/F, 3/F
地址:中環安蘭街9號地下,1樓及3樓
票價:HKD150 (門票附送《松島安の感謝砌》「性之祇福」繪馬一個,限量169個!送完即止!)
網上購票:www.bookyay.com
查詢:info@wonderwall.today
策展: Wonderwall @wonderwall.today #感謝砌 #下流詩人 #松島安 #廣東話 #港語學

延伸閱讀:【立場】街頭塗鴉殺入酒店 松島安個展詰問禁忌 https://gongjyuhok.hk/articles/10235