呢個課程係希望通過寓教於樂嘅方式，引起喺外國讀書嘅小朋友對廣東話同香港文化嘅興趣，同時掌握。課程結合咗中文讀寫教學同文化體驗，俾學生喺學習語言嘅同時都能夠感受到語言嘅實用性，開啟佢哋對另一個文化世界嘅想像。
設計對象：具備基本廣東話聽講能力小朋友，但寫嘢。可以係來自不同國家嘅國際學生、移民家庭嘅子女，或者係喺國際環境中成長，對多元文化同語言有好奇心嘅學生。
第一課：香港大酒樓
課時：1小時
目標：
- 掌握基本嘅廣東話嘅食物詞彙，並且用中文寫低呢啲詞語。
- 熟悉香港餐廳如酒樓嘅環境以及可以閱讀餐牌
- 了解漢字部首及結構，可以寫出部分食物嘅名稱同味道
活動：
- 聽講練習：無敵點心車（25分鐘）
- 老師先介紹點心車嘅故事：喺好耐好耐以前，香港嘅酒樓會用點心車裝住啲點心，如果你叫唔出，就無得食㗎喇。所以啲人會追住架貼心車，去叫出點心嘅名。
- 視乎學童，老師可以先輪流展示點心嘅圖片，逐一介紹。可以鼓勵學生跟著老師念，並練習正確的廣東話發音。
- 若果小組上課，可以讓學童搶答，睇下邊個可以儲到幾多點心。
- 進階活動：一名學生先拿出一張卡片，將食物嘅名稱，以廣東話描述畀其他同學，等佢哋估下。
- 閱讀練習：超級點心紙（15分鐘）
- 老師先準備好一疊點心紙(Bingo)，上面有不同酒樓食品嘅詞語文字，派給學生。
- 然後老師輪流讀出不同食品的名稱，能夠圈出最多名嘅同學勝出
- 我要寫食評（20分鐘）
- 先問學生最鍾意嘅酒樓食品係乜嘢，可以輪流用1分鐘時間分享。
- 介紹五味：甜、酸、苦、辣、鹹，要求學生先抄寫一次呢五隻字。
- 給學生一張食評紙（可畫圖），附以有關形容食物嘅詞彙，幫助佢哋寫作。
- 課堂作業（5分鐘）
- 要求同學寫出吃過最好味嘅食物，30字，下堂交。
設計理念：
這堂課的設計旨在通過實際的食物名稱和實物，幫助學生輕鬆記憶廣東話詞彙。融合了聽、說、讀、寫的元素，通過不同形式的互動活動，培養學生的語音辨識能力，同時讓他們親身體驗廣東話的樂趣。從學習食物詞彙開始，學生可以感受到廣東話在日常生活中的實用性，並對這門語言產生興趣。