新聞刺針今日(1號)刊登喺多間小學訪問,關注普通話對學童嘅影響。其中一間小學學生透露,學校係會懲罰同埋責罵學生講廣東話,影片引起市民嘩然。(見影片3:55)

小學同學:「鍾意講廣東話多啲,不過學校用普通話教學,上堂嗰時唔可以隨便講……會俾人鬧囉、罰抄囉,咪抄咩嘢『我以後唔講廣東話』囉。講廣東話超過三次咪抄書囉。上堂嗰時候、中文堂講廣東話俾人打……打交叉,跟住抄書!」

港語學根據影片種種線索,確認嗰間係「香港普通話研習社科技創意小學」。

參考「港語學全港中文教學語言資料庫」,該本校貫徹辦學政策,以「天下華人是一家,人人都說普通話」為目標,銳意發展學生以普通話與人溝通的能力,把中文科和普通話科結合成「中文及普通話科」,自小一從基礎開始,鞏固學生的普通話能力。除英文科外,各科以普通話為授課語言。

然而,港語學翻查該校《三年學校計劃書(2015-2018)》,當中<「 強 、 弱 、 機 、 危 」 分 析 >指出,該校「學與教」第一樣嘅弱項就係「以普通話為教學語言,影響高層次師生交流。」

即係話,該社創社43年、創校18年嚟,居然仍然無法解決教學危機,師生關係仲係嚴重問題。咁多年嘅學生做白老鼠,證明普通話教學政策根本唔適合以粵語為母語港人子弟。

港語學呼籲各位家長遠離普教中學校,並多啲了解學校嘅語言政策對學童發展嘅影響。

至於呢間搞咗43年嚟都咁失敗嘅學校,我哋惟有希望佢早執早着,唔好再禍害我哋嘅下一代。

港語學

                           

作者介紹

2
Leave a Reply

avatar
1 評論
1 回應評論
0 追蹤者
 
矚目評論
熱烈討論
2 評論者
港語學Laura takes wah 最近評論者
  訂閱  
最新 最舊 最多人投票
提示
Laura takes wah
訪客
Laura takes wah

2001年創校
何來43年
回歸前怎會有這種學校