今日( 21 號)係國際母語日(又譯世界母語日),港語學、學生動源、天水圍民生關注平台、學生獨立聯盟及香港民族陣綫特此召開「欺凌港童 天地不容──終結『普教中』制度暴力」誓師大會公布多項應對香港普通話研習社科技創意小學本地學童罰抄「我以後唔講普通話」事變之行動,並呼籲公眾參與、促請國際社會主持公道。

 

港語學召集人陳樂行談及該社團與學生動源發起嘅「告為語言清洗事──為全港罰抄『我以後唔講廣東話』學童告洋狀」聯署行動,透露聯署人數已突破 1,700 ,收件人則計有聯合國兒童基金會、美國眾議院外交事務委員會、歐洲議會人權小組、中華民國教育部及大陸委員會香港辦事處:「情況相當鼓舞。我相信有市民支持,我哋就可以將多間小學違反《兒童權利公約》嘅『普教中』罰則公諸於世,並且有法理依據保障我哋小朋友學習同使用母語嘅權益。」

 

領銜聯署團體現有天水圍民生關注平台、學生獨立聯盟及香港民族陣綫,學生動源召集人鍾翰林誠邀公民社會上不同政見嘅朋友共襄善舉,同心合力保護廣東話與學童,並預告以肇事學校為目標嘅一人一信行動,「要求該校:一、嚴正聲明學校政策不容教員以『講廣東話』為由懲罰學生;二、立即跟進『零星嘅一啲老師』濫用權力啲個案,責成肇事者向尊嚴與權利受損之學生及其家長致歉;三、莊嚴應承公眾,日後不再貶損本地學童嘅母語廣東話,或妨害學生使用母語之權利。」下一步則視乎校方回應而定。

 

服務當區居民多年嘅社區幹事王百羽,則代表天水圍民生關注平台,批評該校所作所為「有意無意間矮化母語喺學生心中地位,打上烙印。」敦促學校履行責任、檢討政策,「學習外語同時唔應該對自己母語恐懼,保障學生講廣東話嘅自由。」

 

學生獨立聯盟發言人呂俊賢分析,欲堅守香港核心價值同文化,必須終結『普教中』制度暴力:「『普教中』實為中港融合文化建構過程,粵語被消滅之時,香港文化一定會被摧毀,香港民族亦從此消失。」「推行『普教中』各論點不攻自破,但留意中國政府點對西藏、新彊外族,就會明白硬推嘅目的為何。」

 

香港民族陣綫發言人梁頌恆誓言,「學童應有免於恐懼嘅自由,包括免於恐懼講廣東話……即使政權千方百計咁打壓我哋嘅母語同文化,面對不公不義政策我哋照樣會抗爭到底!」

 

欲免香港普通話研習社科技創意小學及其他「普教中」學校再肆無忌憚咁欺壓母語係廣東話嘅本地學童,請即到下址聯署狀紙,訴諸海內外公論,感激不盡:

 

https://gongjyuhok.hk/articles/1702

港語學

                           

作者介紹

Leave a Reply

avatar
  訂閱  
提示