大前日(27號)歌手陳奕迅喺公開大學舉行「L.O.V.E. in F.R.A.M.E.S. 大專巡迴分享會」,但因為有學生掛住玩手機遭陳奕迅直斥,最終分享會最終不歡而散,活動最後連合照都無影就草草結束。直至尋日(29號),就有公開大學大陸學生爆料,直認玩手機屬實,仲反而力數陳奕迅「罪狀」,其中最大罪就係只講廣東話,「那么看不起普通话?」。

根據該大陸學生「王氏君」(網名)喺微博嘅文章,一開頭就直斥陳奕迅「大牌」、「遲到」兩個鐘,仲話:「为什么有人玩手机?整个节目环节就是他们band的人在用粤语闲聊。学校很多中国内地,国外的学生……」

佢引述有大陸生當時要求陳奕迅喺回答問題後用英文或普通話重覆回答,而俾佢怒斥:「如果你们听不懂粤语那还坐着看什么?来到我们地方就要会我们的语言。」佢因而覺得陳奕迅睇唔起普通話:「但是我们上课都是纯英文,老师也不说粤语啊,虽然我会……而且,那么看不起普通话?」

綜合之前有關消息,有關學生唔單止玩電話,仲喺大會唔准拍攝嘅時候拎電話錄影。而該分享會主題係紀錄片,陳奕迅係出席映後座談,因此大陸學生口中所講「兩小時宣傳片」、「遲到兩個鐘」等論並非屬實。

港語學

                           

作者介紹

Leave a Reply

avatar
  訂閱  
提示