香港語言學學會將於今年 6 月 15 號舉行首次「粵音朗讀測試」，為參與測試者提供粵語水平資格認證嘅專業服務。「朗讀試」除咗為受試者及各行業提供粵語發音標準嘅專業認證外，還有助於專業人士自我糾正發音方面的毛病，改善溝通能力。

今次發佈會可謂人材濟濟，因為參與計劃嘅學者眾多，有香港教育大學錢志安博士、香港中文大學郭必之博士、香港城市大學藺蓀博士、香港理工大學張群顯博士、香港浸會大學莊域飛 John Wakefield 博士、香港大學鍾龍山博士等。

喺〇〇年代已經有學者建議，港府須設立具公信力嘅粵語考試，並且正視本港缺乏粵語教育嘅問題，但港府遲遲未有推行有關政策。今次語言學學會嘅「粵音朗讀測試」，正正就為本港粵語教育填補咗部分嘅空白。

都知道好多朋友對呢個測試好有興趣，港語學聽日將會派員採訪，請緊貼我哋聽日嘅報道！