上文為左論證「天行健」之「健」係卦名而唔係解剛健,我引用左八個經卦既《大象傳》作一個平行比較。比較結果就係「天行健」之「健」,同「地勢坤」之「坤」文例一致。如果「地勢坤」之「坤」係卦名,「天行健」之「健」都應該係卦名。

藏於香港文化博物館

呢個係單憑閱讀《大象傳》就可以得出來既結論。因此,最少有一位清朝學者已經察覺到傳統解釋既錯。

朱駿聲《六十四卦經解》:「卦名實借為健。」

可惜佢既觀點得唔到應有既重視。不過去到上個世紀七十年代,呢個情況完全改變。湖南長沙馬王堆出土左一批帛書。根據研究,墓主係西漢人,陪葬既文獻都係西漢時代抄寫而成。其中一份文獻係完整既六十四卦卦辭,仲有易傳。其中六十四卦既卦名,好多都係同通行本唔同。而乾卦個乾,正正就係寫成「鍵」。

帛書本周易:,元享,利貞。

通行本周易:乾,元亨,利貞。

唔通咁樣寫只係例外?再睇。

帛書本周易:君子終日鍵鍵

通行本周易:君子終日乾乾。

呢個係《乾.九三》既爻辭,通行本有個「乾」字,帛書本又係寫成「鍵」字。易經本文睇完,我地睇下易傳。

帛書本繫辭:天奠地庳,鍵川定矣。

通行本繫辭:天尊地卑,乾坤定矣。

仲有:

帛書本繫辭:道成男,川道成女。知大始,川作成物。以易,川以閒能。

通行本繫辭:道成男,坤道成女。知大始,坤作成物。以易知,坤以簡能。

唔單止易經本文,就連易傳都係一樣,全部卦名「乾」字,帛書都係寫成「鍵」字。帛書繫辭我只係舉左兩個例子,帛書易傳仲有幾十個「鍵」。實際上帛書易傳全部卦名都係「鍵」,一個「乾」字都無。帛書周易係西漢既抄本,完整既傳世本易經最早可以追溯到唐朝刻既石經。古代文獻係一隻字一隻字咁抄出來,時代越後,經過後世經師改動既機會越大。以馬王堆帛書周易為例,唔單止所有卦名由「鍵」改成「乾」,就連卦名「川」都改成「坤」。「鍵」同「健」聲符一樣,可以互相通假。既然馬王堆帛書時代更早,卦名「乾」既本字,應該就係「鍵」(或者「健」)。後世有經師將所有經文傳文既「鍵」(或者「健」)改成「乾」,唯獨係《大象傳》「天行健」之「健」無改到。到底係因為唔知佢係卦名所以無改,定係刻意改漏左,原因已經無從考究。

卦名寫成「鍵」或者「健」,又或者「乾」,係對卦名理解唔同。「鍵」應該古代鎖門既橫木,「乾」應該係乾濕既乾。到底邊一個意思更接近卦名本義,就要等我睇多啲書先有自信解釋了。

[後記]

以上引用左咁多材料,又解釋左咁多,而家係時候比大家思考下。

帛書本繫辭:,德行恒易以知險。

通行本繫辭:夫天下之至健也,德行恆易以知險。

點解通行本既「天下之至健也」帛書本成句無左既,係西漢既人抄漏左,定係本身就無,係後世加上去既呢?如果「天下之至健也」係後世先加上去既,個原因又係咩呢?

五經無雙

書山有路勤為徑,學海無涯苦作舟。塵世中一個迷途小書僮,醉心先秦經籍,其中最中意就係周易。

                           

作者介紹

Leave a Reply

avatar
  訂閱  
提示