浸大作為本港喺大灣區辦學嘅首間大學,旗下「北京师范大学-香港浸会大学联合国际学院」創校已十四年,但嗰啲學生憑咩攞同浸大學生一模一樣嘅證書,至今仍然係一個謎。好多人都質疑,除咗師資之外,大灣區版浸大嘅學生活動點同港版比。近日大灣區版嘅廣告就揭開咗神秘面紗,原來佢哋其中一個重要活動,就係唱愛國歌曲。

大灣區浸大師生同校友一齊拍片唱《我和我的祖國》,話係慶祝共和国70周年,愛国教育元素極濃。歌詞反覆提到「我和我的祖国/一刻也不能分割」,與港版浸大喺錢大康治下,校長主動鼓勵香港獨立討論嘅風氣相映成趣。

錢大康上任時鼓勵學生討論港獨,覆水難收。

除此之外,大灣區浸大當然係冇校牧處,六十年前浸信會創立浸會書院嗰時嘅基督精神已經蕩然無存。既然冇咗辦學宣教個意義,呢間大灣區浸大又係為誰而立?喺呢首《我和我的祖國》已經不言而喻啦。

浸大山神

                           

作者介紹

Leave a Reply

avatar
  訂閱  
提示