浸大校友發起聯署反對修訂《逃犯條例》，短短幾日已有超過六百名校友響應。聲明呼籲政府立即《撤回逃犯》條例修訂，「莫毀香港基石於足下」。校友聲明聯絡人溫仲然表示，感到結果正面，尤其見到好多知名校友參與聯署，有助提升大眾關心，期望能影響今次修訂。

問到點解發起今次聯署，聯絡人溫仲然話佢本身就讀商學課程，認識唔少喺商界工作嘅校友，「大家都認為今次嘅修訂同佢哋息息相關，事態嚴重。因此我就希望發起聯署，召集更多校友去反對今次修例。」佢都知道學校有唔少著名校友，希望佢哋都可以從中幫手，提升大眾嘅關注。

反應都幾正面，好快就有六百位校友響應，當中前立法會議員鄭家富、政治及國際關係學者黃偉國博士、神學家任志強、葵青區議員梁錦威等都留名聯署，聲援反送中陣營。