浸大學生會批50萬助抗爭 提供物資、醫療及法律援助

香港浸會大學學生會今日(17號)喺Facebook公佈,評議會總共批出五十萬港元作支援本會外務支出之用。款項將主要用以購買物資、提供醫療協助及法律援助予浸大學生、校友及其它一眾抗爭者。

據浸大編委報道,6月13日喺伊利沙伯醫院求醫而被警方拘捕嘅兩名示威者,其中一人係本校傳理系舊生,俾警方以懷疑觸犯暴動罪拘捕。