今日(29號)朝早十點浸大學生再次收到抹黑反送中人士匿名群發電郵,係同一星期內第三次收到。浸大資訊科技處(ITO)早前回覆事件,指如果只有內容問題,唔會封鎖電郵;而今日教大IT部門(OCIO)回覆同學指,正嘗試過濾群發予學生嘅垃圾電郵。如今教大學生未有再收到類似電郵。

教大OCIO提醒同學,收到垃圾郵件並不等於電郵戶口被入侵;由校方過濾電郵未必有效阻截垃圾郵件,但佢哋只能盡力而為;建議同學亦可利用Gmail anti-spam服務過濾有關郵件。

浸大ITO早前承諾會於今日會將事件交畀主管調查,但至今未有公佈詳情;同時指如果只有內容有問題,並不構成封鎖嘅理由,需要牽涉釣魚程式等惡意攻擊程式才能夠封鎖。

山神再次提醒:

一、現時只屬垃圾電郵滋擾事件(SPAM)。但同學仍然有一定風險,因為已知對家掌握咗姓名、相片同電郵,有可能以任何形式嘅詐騙電郵騙取同學資料。學生起碼安裝返防毒軟件[1] 。切忌小心開啟任何附件,提防陌生來源。

二、山神已去信ITO,並會密切同浸大、教大IT部門聯絡,了解事態取新發展。同學亦宜同ITO詢問帳戶狀況。山神會提供寄件者名單,同ITO傾可否為同學封鎖名單、加強保密措施等。

三、教大學生方面電郵數量唔夠,因此未能分析電郵清單洩漏源頭,希望更多教大同學聯絡山神提供資料。同學有任何資料亦歡迎報料。

[1] 浸大學生免費有防毒軟件:ESET NOD32
登入 https://endpointprotect.hkbu.edu.hk ,登入後按[I have read and agree to the above terms.],即可下載NOD32 及取得相應的personal key以啟動產品。


山神Telegram Channel:https://t.me/hillgod

Facebook:http://fb.co/hkbumountaingod

浸大山神

                           

作者介紹

Leave a Reply

avatar
  訂閱  
提示