本身係語言迷嘅Google工程師李俊言好鍾意喺Youtube拍片，向大家介紹廣東話同其他語言。

最近佢就要拍咗條新片，用英文詳細解釋，原來香港人嘅母語同學習語言主要都係廣東話，而英文比較多係工作用，因此形成咗若干嘅特點。

講多無謂，立即去片！

佢本身仲識得7+1種語言，除咗港人用開嘅粵、英、普之外，仲有日文、泰文、瑞典話、韓文，同埋方丈話！

佢而家都跟朋友一齊參與《粵典》嘅計劃，即係用粵語去寫粵語嘅詞典。佢話想提倡粵文，「等大家都知道廣東話係一種可以書寫嘅語言，唔係一種低級嘅語言，而係同所有語言都平等。」