浸會大學協理副校長楊志剛，6月《明報》發表《「洋紫荊革命」的白手和黑手》論，遭浸大逾2000師生及校友聯署譴責後，前日(31號）又再喺《明報》發表《洋紫荊革命第三波》論。佢建議做「基本法23條立法、網絡安全立法、和規管外國代理人立法」三項動作，從而有機會說服中央實行雙普選。

文章先承認反送中運動每一波都令特區政府毫無招架之力，加上「元朗白衣」一役使民心一面倒，公務員內部都出現不穩之勢，特區管治班子六神無主狀態，因此期望「中央很快會出手」；中央「不出手」嘅情况下，只能用立上述三法穩定香港。

早前有傳媒發現，2017年繼錢大康上任後走馬上任嘅楊志剛，原來早已超過浸大教職員60歲退休嘅年齡限制。浸大內部人事文件指出，超齡聘任非學者乃例外情況（exceptional）。浸大當時公布聘請楊志剛，並冇披露楊超過大學嘅年齡限制。佢上任後多番親共言論，被認為係錢大康嘅「黑手套」。