浸大學生會會長方仲賢今日（6號）夜晚8點喺深水埗購買觀星筆後，警方夜晚11點開記招交代，話佢係俾4個「休班警」拘捕。浸大校長錢大康同輔導長鄧裕南到深水埗現場後，錢見情況危險馬上經地鐵逃離，而鄧裕南嘗試與警對話期間遭警方以強光勁射。

警方交代指方仲賢俾4個「休班警」拘捕，但當中疑點重重：休班警都係身穿黑衫，而且恰巧遇到浸大學生會長而覺得可疑。令人懷疑警方並非以正常程序跟蹤並拘捕學生會會長。

其後校長錢大康、副校周偉立、副校楊志剛及輔導長鄧裕南到醫院與會長對答幾句算「慰問」，眾人應學生邀請到現場。但到場後，錢大康見情況危險，與副校周偉立、副校楊志剛乘坐地鐵離開，只留下高層中職級最低嘅鄧裕南教授。

輔導長鄧裕南到場嘗試與警方對話，但警察只以強光勁射，無法對話後鄧裕南亦離開現場。

現場所見最少4男2女被捕。

---

山神Telegram Channel：https://t.me/hillgod