錢大康兩個鐘頭不斷拒絕譴責警察暴力對待學生會會長,引起在場家長、學生、老師及校友不滿,浸大學生會評議會主席雷樂希喺今日(8號)凌晨一點宣布,將聯同各學科學會及宿生會罷搞8月8日之新生註冊日,抗議錢大康校長對會長方仲賢被捕嘅無動於衷。

今日係聲援學生會會長集會,錢大康喺上任四年以來首度現身學生集會,歡迎同學發問。佢喺六點幾發言約20幾分鐘後,留下一句「買電筒唔係暴力,但用電筒係暴力」就趕急離開現場。

校長逃之夭夭嘅行徑引起現場學生大為不滿,在場眾多學生代表要求校長返回現場,否則將罷搞新生註冊日。周旋多時候,校長終於喺夜晚11:00返回現場。

眾多校友、學生輪流發問,重點追問錢大康可否譴責學生被警察濫用暴力對待。錢大康承認冇睇過暴力片段,亦都冇睇過今日警方用鐳射筆燒紙抹黑學生嘅片段,令人質疑佢係咪真係盡力幫助學生。

錢大康一直堅稱自己另有方法去幫助會長,係答問後段坦誠其實係致電自己任職警察嘅朋友,此言一出,被廣泛質疑成效及是否正當手段。

直至凌晨一時,錢大康仍然拒絕譴責警察暴行,因此學生會主席雷樂希宣布,將聯同學術學會、學科學會及宿生會,罷辦新生註冊日。

 

浸大山神

                           

作者介紹

Leave a Reply

avatar
  訂閱  
提示