方仲賢曾被警叉頸威嚇 學界陸續收恐怖訊息

方仲賢今日(16號)聯同三名遭恐嚇同學召開記招。

浸大學生會會長方仲賢8月6日喺深水埗買觀星筆被捕,被警方拘捕48小時釋放,期間一度發高燒留醫。佢事後與學界成員收到恐嚇以至被起底。方仲賢透露,警員夏偉基喺佢耳邊恐嚇佢話:「最好唔好搞大件事,咁對大家都無好處!件事係你一手搞出嚟嘅!」其後佢同學界成員不斷收到恐嚇訊息。

方仲賢憶述當晚突然遭自稱係便衣警員嘅黑衫人箍頸,黑衫人僅出示冇相片嘅委任證,令方仲賢以為被搶劫,掙扎之下再遭警員夏偉基叉頸逼到牆角,同時喺佢耳邊恐嚇佢話:「最好唔好搞大件事,咁對大家都無好處!件事係你一手搞出嚟嘅!」

浸大學生會副會長梁兆玉收到含地址、家人姓名嘅恐嚇,留言者簡介為「禍必及家人」。

浸會大學學生會外務副會長梁兆玉、教育大學學生會會長梁耀霆同埋前香港大學學生會外務副會長彭家浩都喺社交網站,其中梁兆玉同梁耀霆更喺家門附近發現有張貼其姓名及相片嘅「亂港暴徒」海報。三人感到驚恐不安,但仍然會堅持抗爭。


山神Telegram Channel:https://t.me/hillgod