浸會大學校長錢大康於昨日(2號)下晝兩點廣發電郵,呼籲學生以和平對話解決現有分歧。下晝三點,約300名浸大學生自發到校長辦公室樓下求見校長,要求展開對話,苦候逾3小時不果。常務副校長麥建成表示,原來錢大康唔喺香港,無法對話。

錢大康指,破壞及虐待行為已嚴重危害校園威脅師生,並且損害「大學嘅好名聲」。佢呼籲大家以理性、和平為本展開對話,解決分歧。信中佢仲話會做額外措施幫學生,不過並冇公佈任何實質細節。

浸大學生下午3點喺教與學行政大樓集合,其後喺校長辦公室樓下與副校對話。常務副校長麥建成表示,原來錢大康唔喺香港。經協商後,校方承諾今個星期五以電郵方式通知學生會面詳細內容。學生重申要求會面要開放予全校學生岀席,而錢大康亦必須出席。傍晚6時多,在場學生陸續散去。

浸大山神

                           

作者介紹

Leave a Reply

avatar
  訂閱  
提示