周國賢籲香港人加油 勸扣帽五毛「練好啲廣東話先啦」

喺尋晚特首林鄭月娥昨日借《緊急法》訂立《蒙面法》嘅同時,男歌手周國賢在Instagram貼出赤膊做掌上壓相,加上一句:「加油。#hgygy(香港人加油)」惹來五毛上綱上線:「你怎麼不實際行動上街打砸搶燒呢?」歌迷自然直斥其非,周國賢更親自出手:「練好啲廣東話先啦,『岸cow』。」

雖然唔少五毛留言試圖將周國賢屈成「港毒」打壓,唔少歌迷依然留言支持。有歌迷更加感動留言話:「作為大陸fans想講幾句。關注咗反送中呢件事幾個月,好明白你哋呢場仗有幾難打。今日睇到你微博發咗個post之後,多咗好多人好惡毒咁攻擊你,我想同你講,佢哋唔係代表所有人谂法噶,仲有我哋撐你啊!好多謝你嘅音樂陪我度過咗好多難過嘅時刻,仲好多謝你一直咁勇敢企出來!有啲嘢,大陸人從來無得到過 ,我真係唔想香港到最後都要失去。不過好可惜我哋乜都做唔到,唯一可以做嘅只係同你哋講聲加油。千祈唔好放棄,我一直都相信,榮光會歸於此地。想去睇你開con想咗好耐,可惜次次都扑唔到飛,希望下次有機會見你,見到你嘅時候已經可以慶祝你哋咁多位嘅勝利。HGYGY!」