解放軍於浸大校門前設10多監控鏡頭 學生上課感不安 錢大康校內亦增鏡頭護軍營(多圖)

每個鏡頭對准行人路,預計可以攝入每個路過師生嘅臉孔。

隨着反送中運動持續升溫,鄰近香港浸會大學嘅駐港解放軍軍營喺10月頭開始增設監控鏡頭,肉眼可見已經有10幾個豎立喺往返校園路附近。

錢大康喺星期一(14號)「與管理層心靈對話會」上,突然透露會增加監控鏡頭,除咗要保障學生安全,更加要防止有人喺教學樓擲物至鄰近嘅解放軍軍營。佢又聲稱,有唔少大陸學生同佢反映,擔心喺校園嘅人身安全,因為多咗好多著黑衫嘅人出入,希望增加保安人手。佢昨日用電郵公布校園新保安措施,如邀請「外人」審視校園潛在危險。

同學表示,除咗喺聯福道、禧福道同聯合道,即同學來往浸大校園嘅主要通道設有監控鏡頭外,軍營鐵絲網後亦多咗軍人駐守,監視路過同學嘅一舉一動。

English version

錢大康電郵全文及相關報道:https://gongjyuhok.hk/articles/3350

浸大同學喺HKBU Secrets發問,指感到不安,詢問近日出現嘅監控鏡頭有冇人面識別功能。

鏡頭或對住過路處,或與行人路平行,總之都會影到路人嘅樣貌

沿聯合道每20米就有一個監控鏡頭。

浸大近日校內保安倍增。

 

 

 

0 0 votes
Article Rating