浸大畢業典禮將會喺11月中旬舉行,傳統上畢業班代表都會上台發表畢業感言。但校方喺內部通告,今年唔會再有畢業班代表嘅致詞環節。

消息指,有關決定係由高層發出,佢哋聲稱畢業生過多,要「避免超時」。然而學生對此說法皆感到難以置信,因為浸大嘅畢業典禮分成四日舉行,時間上十分充裕,學生數量亦同以往相約。有學生質疑係政治決定,防止學生喺當今時局中提及社會議題,變相打壓言論自由。

有教職員批評,不少學系已邀請畢業生代表準備發言,高層突然宣佈腰斬環節,卻內部要低層用牽強嘅「時間管理」為由向畢業生代表,處理手法好有問題。教職員指畢業生代表都好成熟,知道典禮場合如何妥當發言,讀咗四年後母校反過來唔相信學生,令人咋舌。

浸大山神

                           

作者介紹

Leave a Reply

avatar
  訂閱  
提示