浸大專車送非本地生明早離港 並安排可網上考試

大陸學生一直表示擔心留港人身安全。消息指,擁有最多大陸學生嘅浸會大學已經安排最少四架旅遊巴士,喺聽日接載非本地生到西九高鐵站,俾佢哋喺聽日朝早盡快離開香港。

消息人士指,浸大已經盡最大努力照顧大陸學生嘅需要,包括即時宣布可以網上授課、考試,令佢哋無後顧之憂,可以盡快返上大陸,確保校方唔會因大陸學生受傷或受困而被牽連。因此錢大康喺通告強調,佢哋會盡力令學生喺大陸都可以進行網上考核。

浸大之前一直以教學大綱有注明規格為由,不准中醫學生留港實習;但大陸學生就可以越過所有規定喺網上考試,有學生質疑做法偏頗,難以服眾。