蔡英文總統年三十晚喺Facebook發表農曆新年談話，向台灣同埋全世界嘅華人拜年，期間用廣東話向香港人打招呼，祝福大家「大吉大利」。佢表示知道最近有好多香港人關注她嘅影片，所以特意用廣東話祝福大家。

佢首先感謝軍警及運輸行業同醫護人員，令台灣人有一個方便同安全嘅年假。她隨後以台語及客家話向台灣人祝賀。佢話，台灣啱啱完成大選，台灣民眾用佢哋嘅方式，向全世界發出民主、自由嘅光，向華人世界發出尊嚴、希望嘅光。佢提到現時選舉結束，台灣要繼續向前行，呼籲只要家庭和諧，台灣就會團結。